तेह्रथुम, माघ २० गते
आठराई गाउपालिकामा एक व्यक्तीलाई जिउदै आगो लगाउन खोजेको आरोपमा चार जनालाई प्रहरीले पक्राउ गरेको छ । आठराई गाउपालिका–४ ईवा वस्ने ५५ बर्षिय धनपती प्रसाईलाई जिउदै आगो लगाई ज्यान मार्न खोजेको अभियोगमा सोही स्थान बस्ने बर्ष ३१ का गंगा बहादुर जिम्बा,४३ बर्षिय धनबहादुर तामाङ,२१ बर्षिय असोक तामाङ र २० बर्षका बसन्त तामाङलाई पक्राउ गरिएको जिल्ला प्रहरी कार्यालय तेह्रथुमका सुचना अधिकारी प्रहरी निरिक्षक प्रमोद खड््काले जानकारी दिनुभयो ।
प्रहरीका अनुसार माघ १७ गते स्थानीय छातेढुंगाको टुडिखेलबाट घर फर्कने क्रममा साँझ आरोपित व्यक्तीहरुले प्रसाईलाई नियन्त्रणमा लिएर शरिरमा तेल लगाई आगो लगाएका थिए । आगोको कारण प्रसाईको अनुहार र टाउको जलेको साथै निजको बिएनसी अस्पताल विर्मामोडमा उपचार भईरहेको घाईतेका दाजु श्याम प्रसाईले बताउनुभयो । उनिहरुले के कारणले प्रसाईलाई आगो लगाएको हुन् भन्ने बारे अनुसन्धान भईरहेको प्रहरीले जनाएको छ ।
