तेह्रथुम, चैत्र १४
प्रेस सेन्टर तेह्रथुमको अध्यक्षमा विरेन्द्र लिम्बु चयन हुनुभएको छ । प्रेस सेन्टर नेपाल तेह्रथुमको छैटौ जिल्ला अधिवेशनबाट पत्रकार लिम्बुलाई सर्वसम्मत अध्यक्ष चयन गरिएको हो ।
विहिबार जिल्लामा सम्पन्न अधिवेसनले उपाध्यक्ष रुद्र प्रसाद गुराँगाई, सचिवमा सागर पोख्रेल, सहसचिवमा आमोस लिम्बु र विकिता लिम्बु., कोषाध्यक्षमा अमृत मनोज गौतम चयन हुनुभएको छ । ११ सदस्यिय समितिको ईन्चार्जमा दिपक कट्टेल र सह ईन्चार्जमा बबिता किराती राई चयन हुनुभएको छ ।
नेकपा (माओवादी केन्द्र) केन्द्रिय सदस्य तथा प्रदेश सभा सदस्य दुर्गा प्रसाद चापागाईको प्रमुख आथित्यमा आयोजित अधिबेशनमा प्रेस सेन्टरका पदाधिकारी, जनबर्गिय संगठनका प्रमुखहरु, जिल्ला सदस्य र साधारण सदस्यको उपस्थिति रहेको थियो ।
अधिवेशनको उद्घाटन कार्यक्रममा प्रमुख अतिथी चापागाईले प्रेस सेन्टरको नया टिमलाई जनताको पक्षमा अझ क्रान्तिकारी भएर अगाडि बढ्न सुझाव दिनुभयो । प्रेस सेन्टरका नवनिर्वाचित जिल्लाध्यक्ष लिम्बुले वेतिथिका विरुद्ध आफ्नो कलम सधै चलिरहने बताउनुभयो । उहाँले काम गर्ने सिलसिलामा सवैको सहयोग आवश्यक रहेकोमा जोड दिनुभयो ।
