तेह्रथुम, मंसिर २ गते
तेह्रथुमको लालीगुराँस वडा नम्बर ८ मा वडाअध्यक्षका लागि ६ वटा दल सहित ८ जनाले उम्मेदवारी दर्ता गराएका छ्न । वडाअध्यक्ष पदका लागि ६ राजनितिक दल र २ जना स्वतन्त्रले आईतबार उम्मेदवारी दर्ता गराएका हुन् । उम्मेदवारी दर्ता गराउनेमा नेपाली कांग्रेस बाट नगेन्द्र लिम्बु,नेकपा एमालेबाट बुद्ध बहादुर लिम्बु ,नेकपा माओवादी केन्द्रबाट कुमार विश्वकर्मा, राष्ट्रिय स्वतन्त्र पाटी बाट सञ्जिव खड्का,राष्ट्रिय प्रजातन्त्र पार्टी बाट रत्न बहादुर श्रीपाली र नेकपा एकिकृत समाजवादी बाट प्रेम बहादुर खड्का रहेका छन् भने स्वतन्त्र बाट उक्त बहादुर लिम्बु र बसन्त लिम्बुले वडाअध्यक्षका लागि उम्मेदवारी दर्ता गराएका हुन् ।
मुख्य निर्वाचन अधिकृत भिम बहादुर निरौलाको अनुसार बिहान १० बजेदेखि ५ बजेसम्म मनोनयन दर्ताको समय तोकिएको थियो । वडाध्यक्ष तेजमान लिम्बुकोे २०८० चैत २८ गते निधन भएपछि उक्त रिक्त पदमा उपनिर्वाचन हुन लागेको हो । १ हजार ४ सय ८१ मतदाता रहेको वडामा यही मङ्सिर १६ गते स्थानीय तहको उपनिर्वाचन हुँदै छ।
