तेह्रथुम ।
नेपाल पत्रकार महासंघ तेह्रथुमको अध्यक्षमा टिआर सेनेहाङ निर्वाचित हुनुभएको छ । जिल्लाको सातौ अधिबेशन अन्र्तगत भएको निर्वाचनमा २७ मतका साथ सेनेहाङ अध्यक्षमा निर्वाचित हुुनुभएको हो । उहाँका प्रतिद्धन्दी मनकुमार फोम्बोले १७ मत मात्र प्राप्त गर्नुभएको थियो । मंसिर २८ गते सम्पन्न निर्वाचनबाट उपाध्यक्षमा विनोद भट्टराई,महिला उपाध्यक्षमा सिता आम्बुङ, सचिवमा कृष्ण विदखी गौतम,सह सचिवमा द्धय विकास गुरुङ र जीतलाल लिम्बु र कोषाध्यक्षमा प्रकाश पाक्साँवा निर्वाचन हुनुभएको छ । त्यस्तै सदस्यहरुमा अस्मिता सुवेदी,भिमा लिम्बु,तुलसी सिटौला,संजिव प्रसाई र कृष्ण तामाङ चयन हुनुभएको निर्वाचन समिति संयोजक महेन्द्र प्रसाद काफ्लेले जानकारी दिनुभयो । नव निर्वाचित अध्यक्ष सेनेहाङ विगत डेढ दशक यता पत्रकारितामा क्रियासिल रहदै आउनुभएको छ ।
