तेह्रथुम, माघ ८ गते
सशस्त्र प्रहरी बल नेपाल २ नम्बर गुल्म हेडक्वाटर म्याङलुङ तेह्रथुमले २४ औँ सशस्त्र प्रहरी दिवसको अवसरमा तेह्रथुममा रक्तदान कार्यक्रम गरेको छ । सुरक्षा निकायले सुरक्षाको साथसाथै सामाजिक उत्तरदायित्वलाई पनि ध्यान दिँदै दिवसको अवसरमा सशस्त्र प्रहरीले रक्तदान कार्यक्रमको आयोनजना गरको हो ।
जिल्ला रेडक्रस सोसाईटी तेह्रथुमको समन्वयमा आयोजना भएको कार्यक्रममा ६४ जनाले रक्तदान गरेका छन् । जसमा जना १५ सशस्त्र प्रहरीका बिभिन्न दर्जाका प्रहरीहरु रहेका छन् भने बाँकी नेपाली सेना,मानव अधिकारकर्मी र नागरिक समाजले रक्तदान गरेका छन् ।
रगतको अभावलाई परिपूर्ति गर्नका लागि आयोजना गरेको रक्तदान कार्यक्रममा ६४ पिन्ट रगत सङ्कलन भएको छ । जसमा १५ महिला र बाँकी पुरुष रहेका छन् । तेह्रथुमका सुरक्षा निकायले सुरक्षाको अलवा अन्य सामाजिक गतिविधिमा सक्रिय हुँदा नागरिकले सहज अनुभूति गर्दै आएको सशस्त्र प्रहरी नायब उपरिक्षक किरण प्रकाश खत्रिले बताउनुभयो ।
