तेह्रथुम, ८ फागुन
जिल्ला प्रहरी कार्यालय तेह्रथुमले फरार रहेका एक प्रतिवादीलाई पक्राउ गरेको छ। प्रहरी चौकी पोक्लाबाङ बाट खटिएको प्रहरी टोलीले तेह्रथुम फेदाप गाउँपालिका–२ स्थायी घर भएका ३४ वर्षीय खगेन्द्र लिम्बुलाई नियन्त्रणमा लिएको हो।
बहुविवाह मुद्दामा दोषी ठहर भई फरार रहेका लिम्बुलाई जिल्ला अदालतको फैसला कार्यान्वयनका क्रममा पक्राउ गरिएको प्रहरीले जनाएको छ। तेह्रथुम जिल्ला अदालतको मिति २०८०/०३/१७ गतेको फैसलाअनुसार उनलाई १० महिना ६ दिन कैद तथा ५ हजार रुपैयाँ जरिवाना तोकिएको थियो।
पक्राउ परेका लिम्बुलाई आवश्यक कानुनी प्रक्रिया पूरा गरी फैसला कार्यान्वयनका लागि सम्बन्धित निकायमा पठाइएको जिल्ला प्रहरी कार्यालय तेह्रथुमले जनाएको छ।
