कोताराया (मलेसिया)
सामाजिक क्षेत्रमा क्रियाशील संस्था तेह्रथुम मलेसिया सम्पर्क मञ्च को पाँचौँ महाधिवेशन भोलि २८ डिसेम्बर २०२५ मा हुने भएको छ। मञ्चका सचिव मनोज लिम्बु का अनुसार महाधिवेशनको सम्पूर्ण तयारी पूरा भएको छ।
महाधिवेशनको अवसरमा तेह्रथुम जिल्लामा छायाङ्कन गरिएको सांस्कृतिक चलचित्र ‘नाम–ओती’ को विशेष प्रदर्शनसमेत गरिनेछ। कार्यक्रममा सहभागी भइ कार्यक्रम सफल बनाउन मञ्चका अध्यक्ष पदम राज लिम्बु ले सबैमा आग्रह गरेका छन्।
महाधिवेशन मलेसियाको कोताराया स्थित होटल प्यासिफिकको सभाहलमा, मलेसिया समय अनुसार दिउँसो १२ बजे बाट सुरु हुनेछ।
वि.सं. २०७२ सालमा स्थापना भएको मञ्चले प्रवासमा रहेका तेह्रथुमवासीहरूलाई एकताबद्ध गर्दै सामाजिक तथा मानवीय कार्य गर्दै आइरहेको छ।
